Sunday, May 11, 2014

Aisaa mausam de gaye

hothon par hansee aur aankhein nam de gaye
woh jaate huwe jaane kaisaa mausam de gaye

sooni si raahon par ab tanhaayiaan hi hain
bas pal do pal kaa saath woh sanam de gaye

mere ghaawon par pyaar se woh haath ferkar
sau janam ka dard woh bas is janam de gaye

le gaye chhin kar hamaari har khushi humse
tohfey mein umar bhar kaa woh ghum de gaye

denaa hi thaa kuch to de jaate maut humein
par woh to bas muskuraane ki kasam de gaye

No comments:

Post a Comment