Rog ishq kaa

kuch anjaane se khwaab hain jo in aankhon mein palte hain
kuch aanjaani si raahon par, hum neendon mein chalte hain

kabhi dhoop hai, kabhi chhaaon, kabhi oley bhi padte hain
mausam hain yeh mohabbat ke, jo pal pal mein badalte hain

ishq koi khel nahi aasaan, kisi ne samjhaayaa thaa hum ko
sambhal sambhal ke chalte hain, fir bhi hum fisalte hain

keh nahi paate kisi se, ki koi hasee naa udaa de hamaaraa
hum ladkhadaate bhi khud hi aur ab khud hi sambhalte hain

kehte hain yeh log aksar ki yeh 'Hriday' to deewaanaa hai
apnaa pataa dhundne jab apni hi galiyon mein nikalte hain

naa duaa hi ab koi kaam aayi, naa koi dawaa hi kaam aayaa
badaa haseen rog hai ishq kaa jis mein hum roz jalte hain