Hum unse ab poochhte hain

woh aksar humse hamaari bekaraari kaa sabab poochhte hain
jaante huwe sab kuch, yeh sawaal woh ghazab poochhte hain

kehnaa chaahti hain, kuch poochhnaa chaahti hain do aankhen
magar kuch aur hi bematlab ke sawaal unke lab poochhte hain

muskuraa kar hamaari har baat, udaa deti hain khoobi se woh
kuch hai kyaa dil mein unke, yeh unse hum jab poochhte hain

jo keh nahi paaye hain unse aaj tak hum ek baat dil ki apne
thodi si himmat karke unse woh baat chaliye ab poochhte hain

kahiye naa ki "mohabbat hai aap ko bhi 'Hriday' se bepanaah"
yeh baat hamaare dil ki aap se roz roz hum kab poochhte hain