Haan main tumhe chaahtaa hoon

baadalon ki aad me chhip ke tumhe dekhta jaataa hoon,
kehta nahi tumse par tumhe bahut zyaada main chaahta hoon
unhi baadalon se barasti boonden tumhe bhigo jaati hain,
boond banke tumhaare hothon ko chhoo ke nikal jaataa hoon,

aawaaraa koi hawaa ka jhaunka banke kabhi aataa hoon,
hoke tumhaari zulfon se main chupke se guzar jaataa hoon,
dheere se tumhaare kaano me kuch keh ke chalaa jaataa hoon,
pyaar hai tumse mujhe main bina kahe hi keh jaataa hoon,

haan ye sach hai jaana ki main tumko bahut chaahtaa hoon,
keh sakta nahi tumse par apne yaaron ko main bataataa hoon,
dikh jaao agar saamne to kya kahun samajh paataa nahee,
dekh ke tumhaare husn ko main madhosh sa ho jaataa hoon,

banke koi khwaab main tumhaare aankhon me aataa jaataa hoon,
hoke tumhaare aankhon se tumhaare dil se guzar jaataa hoon,
tum samajh paati nahi ki kaun thaa, kahaan se aayaa thaa,
bas khwaabon me tumhaare aake tumhe gudguda ke jaataa hoon,

jaanaa, tum chaahe na maano ye sach hai main tumhe chaahtaa hoon,
jo keh naa paaya hothon se aaj likh ke tumhe ye batlaataa hoon,
agar waqt mile to padh lena mera likha ye geet kabhi meri jaanaa,
aaj kehta hoon , tumhe duniya me har kisi se badh ke chaahtaa hoon,

yun to kai geet likhe, kai gazal likhe tumhaare naam se,
wo har geet panno me likh ke tumse chhipaataa jataa hoon,
"naa, mujhe mohabbat nahi kisi se" ye jhoot tumse kehtaa hoon,
par jo baat mere dil me hai, aaj wo sach tumhe bataataa hoon,

main kehta nahi par tumhe hadd se zyaadaa main chaahta hoon,
lo aaaj cheekh cheekh ke ye sach tumhe main bataataa hoon,
haan main tumhe chaahta hoon, haan main tumhe chaahta hoon,
meri jaana ye sach hai, hadd se bhi zyaadaa tumhe main chaahtaa hoon...