Koi aur deewaanaa kahaan hai

tu shamaa hai maanaa hum parwaane to naa hain

jal jaaye koi ishq me aisa zamaanaa kahaan hai

ishq pe qurbaan huye honge kai aashiq, magar

ishq me jeenaa hai humein mar jaanaa kahaan hai

bahut zyaadaa tujhe guruur hoga apne husn pe lekin

zamaane me mujh jaisa koi aur deewaanaa kahaan hai

tu husn ki mallika aur hum dil ke hain baadshaah

jung nahi, ye ishq hai, tujhe haraanaa kahaan hai

majnu bhi hai, parwaanaa bhi, romeo aur farhaad bhi

un sabhi ka naam hai yahaan, hamaaraa kahaan hai

dost hai tu, par bataa mohabbat me buraai to naa hai

karke ishq tujhse teri dosti ko bhulaanaa kahaan hai