Main tumse haal-e-dil bayaan karta hoon

tumse duur hoke main aaj bhi tumhi ko yaad karta hoon,
jeeta hoon kehne ke liye, har roz kai baar marta hoon,

badi aasaani se tumne hamaari mohabbat ko bewafaa kaha,
main naasamajh aaj bhi bas tumhi pe aetbaar karta hoon,

ye aur baat hai ki main waqt nahi de paaya tumhe kabhi,
main is jahaan me sabse badh ke tumse pyaar karta hoon,

kuch waqt hi aisa tha aur kuch meri majburiyaan rahi,
lo main aaj meri har ek bhool ko sweekaar karta hoon,

chhipaake rakha tha dil me kabse ye mohabbat humne,
aaj tumhaare saamne main haal-e-dil bayaan karta hoon...