Main khush hoon

jaane kin khayaalon me kho ke khush hoon,
kuch to hai aisa jise soch ke khush hoon,
main aaj khud se bekhabar, khud se anjaan,
bas us aane waale waqt ke liye khush hoon,

kareeb hai manzil is baat ka ehsaas hai,
kisi ke milne ke ehsaas se hi khush hoon,
wo aayegi, aake seene se lag jaayegi mere,
main uske paas aane ke ehsaas se khush hoon,

ek waada tha usse kiya jo poora karna hai,
paana hai use aaj ye soch ke khush hoon,
muskura raha hoon main akele hi aaj yahaan,
bas us milan ke baare me soch ke khush hoon...