Wajah behtar de do

khwaahishon ko mere par de do
aur fir bas utni si umar de do
raat ke saaye se dar naa jaaun
sar chhipaane ko ek ghar de do

shor bahut hai aas paas mere
sukun bharaa ek shahar de do
ehsaas mere jal rahe hain saare
bas thandi si ek dopahar de do

dard ki aadat to ab ho hi chuki
muskuraane kaa bas hunar de do
zindagi ke din kam hain bahut
jeene ki wajah koi beh-tar de do