Dulhan

main naa kehtaa thaa ki laal rang bahut khiltaa hai tumpe

main naa kehtaa thaa ki bahut khoob lagogi tum dulhan banke

dekho khud ko aaine me, kitni khoobsurat lag rahi ho tum

tumhaare maathe kaa sinduur, kitnaa khil rahaa hai dekho to

...........................................

barso se khwaaish thi ki tumhe laal jodaa pehnaaun main

maang me bharun sinduur, aur apni dulhan banaaun main

loon saat fere tumhaare sangh, apne ghar tumhe laaun main

ho maathe pe laal bindi, tumhe laal kangan pehnaaun main

bilkul waisi lag rahi ho jaisa main dekhnaa chaahtaa thaa

par afsos, itnaa duur hoon tumse, ab kaise paas aaun main

jodaa laal hai, waisa hi shringaar kiyaa hai tumne aaj, magar

tum meri nahi ho, ye sach khud ko aaj kaise samjhaaun main

maang tumhaari bhari hui hai, magar sindoor mere naam kaa nahi hai

kisi aur kaa hote huye dekh tumhe bhalaa kaise reh paaun main

bahut himmat hai jo dekh rahaa hoon apna sansaar lut_te huye 

magar tumhi kaho, ise lutne se aaj bhalaa kaise bachaaun main

tumne aakhri mulaaquaat me khush rehne kaa waadaa liyaa thaa mujhse

tum hi kaho, tumhe kho ke hothon pe muskaan kahaan se laaun main

honge log bahut jo dil pe paththar rakh ke khush reh lete hain

jisse judi hain saanse, us se duur jaa ke bhalaa kaise ji paaun main 

doli uthegi tumhaari bas kuch hi der me yahaan se yeh maaloom hai

aankhon ke saamne tum duur jaao usse pehle kyun na mar jaaun main 

Firse meri ban jaao tum

jaa rahe ho kehke alvidaa to chale jaao tum
dhadkano ko, meri saanson ko chhod jaao tum
ummeed jagne lagi thi dil me fir se jeene ki
mere ummeedon ka mahal ko firse tod jaao tum

aadat ho chuki hai ab to tutne ki baar baar
is dil ko kaanch ki tarha firse tod jaao tum
main tanhaa hi thaa tumhaare aane se pehle bhi
mujhe mere ghum ke saath tanhaa chhod jaao tum

is baar bhi tumne koshish nahi ki rokne ki mujhe
keh diyaa badi aasaani se 'mujhe chhod jaao tum'
chalo koi baat nahi, ab main kehtaa hoon tumse
mujhe tumhaari zarurat hai, naa chhod jaao tum

main tum bin kuch nahi, koi astitva nahi meraa
de lo gaaliyaan, dil me jo aaye mujhe keh jaao tum
jod ke haath main bheek ye maangtaa hoon tumse
aaye ho to hameshaa ke liye mere saath reh jaao tum

na koi bandhan tumhe rokaa huwaa hai, naa koi waadaa hai
tum meri thi pehle bhi, aaj fir se meri hi ban jaao tum
waadaa hai, jo naa de paayaa pehle tumhe wo sab ab dungaa
pehen lo laal jodaa mere naam kaa, meri dulhan ban jaao tum...

Paagal banaate ho ji

poochaa unhone haal hamaaraa sharmaate huye, kaise ho ji
muskuraake chehraa chhipaayaa aur fir boli, kaise ho ji

raaton me khwaab me aa aake humse batiyaa kyun karte ho ji
kehte nahi ho, par humein maloom hai ki humpe marte ho ji

aahen bharte ho tanhaayi me, aur mil ke khush ho jaate ho
chhup chhupke mohabbat karte ho, par kyun chhupaate ho ji

hum kyaa kehte... bas itnaa keh diyaa...

tumse kaise kahen hum, ki jaan chhidakte hain tujhpe jaanaa
paagal karte ho humein, aur aa aake humein sataate ho ji

kehte ho humse ki hum bade bhole hain, kuch samajh paate nahi
karte ho deewaanaa tum, aur humein hi deewaanaa batatae ho ji

keh de tumhe hum jaan apni to samajhte ho ki hum paagal hai
khud paagal banaate ho, aur fir dekh humein muskuraaate ho ji

Wo yaad de gayaa

karke waade nibhaane kaa saath umra bhar
wo humein tohfe me bas apni yaad de gayaa

jinke saath sapno ka mahal banaayaa thaa
wo humein ek tuti huyi buniyaad de gayaa

samajh rahe the hum apne bandhan to atoot
aur wo humein bikhre huye jazbaat de gayaa

unke aane se saare rishte tod diye the humne
wo humein tanhaa har ek din aur raat de gayaa

jinke aansuon ko moti kehte rahe hum umra bhar
woh humein aansuon ki haseen saugaat de gayaa

Main insaan naa ban paaungaa

is tarhaa se naaraaazgi dikhaaogi to
main kabhi khud ko maaf naa kar paaungaa
kiyaa thaa mohabbat tumse is janam me
fir kabhi kisi se main naa kar paaungaa

bardaasht kar saktaa hoon har dard me
magar tumhaare aansoo bardaasht naa kar paungaa
tumhaari tadap se tadaptaa rahungaa main
aur ek din is aag me jalkar mar jaaungaa

maine to insaaniyat ke naate hi kiyaa thaa sab
ab kabhi chaah ke bhi insaan naa ban paaungaa
ye samjhungaa ki jo kiyaa galat kiyaa maine
aur kabhi us raah pe naa main chal paaungaa

kadar kisi ke aansuon ki main karunga nahi
aur dard me koi ho to aur dard de jaaungaa
aur kisi ko martaa huwaa dekh ke kuch na karungaa
bas paas khade reh ke main muskuraungaa...

Khud ko bhulaaye jaa rahaa hoon

unki tasveer ko dekh main akele me muskuraaye jaa rahaa hoon

kabhi seene se to kabhi apne aankhon se lagaaye jaa rahaa hoon

unse hui kal ki mulaquaat ke baare me  main soch rahaa hoon

aur us milan ko main geeton me sajaake gaaye jaa rahaa hoon

unki khushboo, phoolon si, jaise ab bhi aa rahi hain kahin se

mehek rahaa hoon aur samaa ko bhi main mehkaaye jaa rahaa hoon

khuli zulfon me aayi thi, chehre me kuch alag kashish thi unke

unke us roop ko soch kar khud ko main gudgudaaye jaa rahaa hoon

apne narm haathon se mere haathon ko kal chhuwaa thaa unhone

apne us haath ko baar baar apne hothon se lagaaye jaa rahaa hoon

kal mili thi jab wo mujhse , mere seene se lagi thi kuch pal

haaye, ab bhi main khud ko us ehsaas me nehlaaye jaa rahaa hoon

bhook lag nahi rahi mujhe ab, naa hi mujhe neend bhi aa rahi hai

khoyaa hoon unki yaad me, aur khud ko lutaaye jaa rahaa hoon

unki sharbati aankhon me gum hoon, unki zulfon me hoon main kahin

dil to haar chukaa hoon unpe, ab khud ko gawaaye jaa rahaa hoon

kaho na, ye kaisaa ehsaas hai, kyaa isi kaa naam mohabbat hai

kyun main hoon nahi khud me, aur khud ko bhulaaye jaa rahaa hoon

Kyaa Tujhe pataa hai

yeh tadap teri raaton ki, tere dil kaa lut_ta karaar

loot leti hain chain meraa teri bechaini, kyaa tujhe pataa hai

jee nahi paati tu ek pal bhi mujhse judaa hoke

teri saanson se meri saansen judi hain, kyaa tujhe pataa hai

tere paas kaise aaun, tujhse duur hi kab thaa main

meri dhadkanon me har jagah tu basi hai, kyaa tujhe pataa hai

jismon ki doori doori nahi hoti, ham kareeb hain

banke lahu tu mere ragon me daudti hai, kyaa tujhe pataa hai

Maaf kar denaa mujhe

to suno... main apni kahaani tumhe sunaataa hoon
kyun nikla main bewafaa tumhe batataa hoon...
haan main bewafaa hoon, bewafaai ki hai maine
tumhaare saath, apne saath
magar shaayad kisi aur se nahi kar saktaa thaa
main kisi ko chot pahuchaa ke gunehgaar nahi ban saktaa thaa
haan yahi wajah thi ki maine dil todaa tumhaaraa
paththar rakh ke apne dil pe maine muh modaa tumse

wo saheli tumhari, jo tumhaari apni thi
kyaa sach me tumhaari bahut pyaari thi?
kyaa wo dost tumhaari tumhaare dil e bahut kareeb thi?
shaayad nahi, kyunki tum nahi jaanti thi ki
wo lad rahi thi apni zindagi aur maut se
pal pal ghut rahi thi
naa jee paa rahi thi naa mar paa rahi thi
ek aise rog ne use pakdaa huwaa thaa
jisme maut to nishchit thi magar kab ye maloom nahi

wo ghur ghut ke roz suraj ko dekhti muskuraati
fir wo udaas ho jaati thi... ki kab tak?
kab tak yunhi main jhoote dilaase deti rahungi apne dil ko
bas kahin se ye baat mere saamne aa gayi
kaun kartaa bhalaa shaadi kisi marne waale se

wo tumhaari saheli thi ye maoom thaa mujhe
aur milaa kai kai baar thaa main tumhaare saamne
uske sangh mere hasee mazaakh ko tumne dekhaa
kabhi jhaank ke uske dard ko dekhne ki koshish nahi ki

bas usko jaate jaate kuch palon ki khushi denaa chaahta thaa
main use kuch dino me duniyaa kaa har sukh denaa chaahtaa thaa
yahi wajah thi, maine tumhaaraa dil tod diyaa
kyunki main maut ke kareeb kisi ko zindagi dikhaanaa chaahtaa thaa

ho sake to maaf kar denaa mujhe meri bewafaai ke liye
maaf kar denaa mujhe mere har gunaah ke liye...

ho sake to mujhe maaf kar denaa....

Madhoshi

'bas itni si mohabbat hai mujhse
ki bhool jaate ho waadaa kar ke
karke gaye the waadaa ki aate hi phone karoge tum
aur us waade ko arsaa beet chukaa
naa tum aaye, naa tumhaaraa phone

main tarasti rahi tumse baat karne ko
main tarasti rahi tumhaari awaaz ke liye
tumhe to maaloom hai na ye sab
ki mar miti thi main tumhaari awaaz pe
tumhaari sharaaraton pe
tumhaari deewaangi pe

kyun satate ho mujhe is tarhaa
duur reh ke mujhse
chhiin lete ho karaar mere dil kaa
aur fir poochhte ho
kaisi ho tum? kyaa haal hain tumhaare....'

haan ye main tumhaari baat hi tumhe sunaa raha thaa
wo aawaaz jo sangeet ki tarha mere kaano me gunj rahi hai
tumse baat kar ke bas ek lamhaa hi beeta hogaa
magar tumhaari awaaz mere rag rag me fail gayi hai

kuch is tarhaa se ki chain nahi mil raha mujhe
soch rahaa hoon ki fir ek baar, ek baar fir se
uthaa loon apnaa phone haathon me aur karun call
do baatein aur kar loon tumse is raat main

sun loon tumhaari awaz main aur paagal ho jaaun
paagal to ab bhi hoon, magar shaayad thoda kam
kam isliye ki likh paa raha hoon
kam isliye ki bataa paa rahaa hoon

kuch der main tumse kuch is tarhaa baat kar loon
ki ho jaaun madhosh main, naa mujhe hosh rahe
aankhen band ho meri aur saamne bas tumhaari tasveer ho
tumhaari muskaan, tumhaari surat, aur tumhaari awaaz
uuuuuffffff... paagal ho raha hoon shaayad....
shaayaad main jaa rahaa hoon dheere dheere nashe me...

kaano me ab bhi tumhaari aawaaz gunj rahi hai...
keh rahi hai ab bhi mujhse....

'I love u jaanu, I love u'....

Bhool jaao mujhe

jaane do ab wo baat puraani ho chuki
wo mulaaquaatein , wo yaadein puraani ho chuki
kyaa faaidaa ab un puraane panno ko palatke
wo kahaani, ab bahut puraani ho chuki....

chaahte ho fir se kholnaa un panno ko jo band pade hain
kuch raaz dil ke jo ab bhi dil me dabe pade hain
jo honaa thaa ho chukaa, ab kyaa faidaa un baaton kaa
kyaa unn baton se ab hum ek ho paayenge?
kyaa sab jaan lene se wo khushi ke dil laut aayenge?

nahi aisa mumkin nahi hai
wo beetaa huwaa waqt beet chukaa hai
ab jo waqt hai wo naa hamaaraa hai, naa tumhaaraa hai
achche the hum pehle, jab saath the
ab judaa ho ke ek dusre se hum hum nahi rahe

bandh chuke hain kisi aur bandhan me hum dono
tum kisi aur ki ho, main kisi aur kaa hoon
jaane do, ab un baaton ko leke naa socho tum
khush raho apni duniyaa me, koi tumhaaraa hai

maaloom hai ki ye baat chubhti rahegi tumhe har baar
ki maine batayaa nahi, tumne jaannaa chaahaa magar
us baat ko main ab zubaan pe laayaa nahi
jaante tum bhi ho, samajhte bhi ho
ki sunoge kissa fir bhi kuch naa kar paaoge
tum kisi aur ke ho, usi ke reh jaaoge...

ab saath hamaaraa ho nahi saktaa ek dusre kaa
isliye bas yahi kahungaa, ki bhool jaao sab
chale jaao duur mujhse itnaa ki chaahu bhi to
chhoo naa paaun main tumhe, tumhaari khushi ko
duur itnaa ki main mehsoos bhi naa kar sakun tumhaare saaye ko
chaahun kabhi agar milnaa tumse, dhundne se bhi naa milo mujhe tum

yaa fir main hi chalaa jata hoon, duur kahin duur
itni duur tumhaari duniyaa se ki nazar naa aaun
chilla chilla ke tumhaaraa naam le loon magar
tum naa suno, aur tumhe dhund naa paaun main....

milenge hum, agle janam me, ye vaadaa rahaa
ek vaadaa aur sahi in janam me meraa tumse
yakeen hai mujhe, naa kar paayaa koi waadaa pooraa main
par ye waadaaa, sirf waadaa banke naa reh jayegaa
hogi saath tum mere, aur ye waadaa pooraa ho jaayegaa
yakeen hai mujhe, meraa ye waadaa pooraa ho jaayegaa....

Mohabbat aaj kal ki

deewaano   ke   chehro  ko dekhnaa  gaur se
tumhe   dard   ke    daag   nazar  aa jaayenge

tumse   kahenge   mohabbat  khoobsurat hai
aur chhipaake  apne  ghum  muskuraayenge

shireen-farhaad    ke   kisse    puraane   hain
ab  wo  bas  kitaabon  me  hi  nazar aayenge

yeh  jahaan   matlabi   hai , log matlabi hain
mohabbat  matlab   ke liye log kar jaayenge

tod  denge  dil   ko kaanch ke aaine ki tarha
fir   kisi   aur  ki  talash me wo lag jaayenge

kabhi  khoobsurat  si   cheez   thi  mohabbat
ab na kehnaa, warnaa log mazaak udayenge

naa  lagaanaa  dil  kisi  se  is   jahaan  ne ab
warna  bas  tute  huye  dil  hi   reh jaayenge

har mod  pe ek  paagal  premi  milenge, aur
wo  tumhe  bas dard ke hi kisse sunaayenge

Bharosaa nahi thaa tumhe

kaash ek baar tumne ye baat pehle mujhse kahaa hotaa
kaash jitnaa bharosaa maine tumpe kiyaa tumne bhi kiyaa hota
sach kehte hain zamaane waale aaj samajh aaayaa mujhe
yeh ladkiyaan kisi pe bharosa nahi kar sakti

wo chaahe unki khud ki parchhayi hi kyun na ho
chaahe kitnaa bhi chaah le wo kisi ko
bhulaa dete hain ek jhatke me, rishtaa chaahe atoot kyun na ho
wo waade, wo kasme, wo saath bitaaye lamhe saare
khushi ke din, ghum ke din, wo haseen mulaquaatein saare
bas ek shaq kaafi hotaa hai, wo sab bhulaa dete hain...

tumne sirf ye dekhaa ki jo khat tumhe bhejaa kisi aur ke naam ki thi
jo geet tumhaare liye likhe, kisi aur ke naam se bhi sunaayaa
jo dulhan ka jodaa tumhaare liye thaa kisi aur ko bhi pehnaayaa thaa
par wajah kyaa thi... ye tumne kabhi nahi poochaa
kabhi poochhna bhi nahi chaahaa tumne... zaruri nahi samjhaa...
par zaruri tha shaayad....

jo aankhon dekhaa yaa kaano sunaa milaa tumko
bharosaa sirf usi pe kiya
kaash iskaa ek pratishat bhi mujhpe bharosaa kiyaa hota
aake poochhaa hotaa mujhse ki ..kyun.. bhalaa kyun??
jaan jaate tum haqeeqat saari
maan jaate ki main bewafaa nahi thaa

khair chhodo ab in baaton ka koi matlab nahi rahaa
khush raho tum apni duniyaa me jahaan ho tum
aur main bhi khush hoon apne barbaadiyon ke jahaan me
khush hoon main bas ye sochke ki saath tumhaaraa thaa
chaahe kuch pal kaa hi ho, par saath to thaa naa

zaruri to nahi ki jise hum chaahe, wo bhi humein chaahe
zaruri to nahi ki jispe hum bharosa kare, wo bhi humpe kare
kisi ne khob hi kahaa hai,
har kisi ko yahaan mann chaahaa jahan nahi miltaa
kisi ko zameen to kisi ko aasmaan nahi miltaa....

meraa jahaan bhi adhuraa hi rahaa, adhuraa rahegaa
tum nahi ho mere saath, ye kabhi bhi naa poora rahegaa
yaadon me tum rahoge sadaa mohabbat bankar, aur
khwaabon me tumhaaraa chehraa, aur hothon pe tumharaa naam rahegaa...

Main kyun likhtaa hoon

main apni mohabbat ko kabhi zyaadaa to kabhi kam likhta hoon

koi poochhle agar mujhse so khul ke saare ghum likhtaa hoon

kyaa huwaa mere saath, kaise dil tootaa meraa

main apne dard ko alag alag andaaz me likhtaa hoon

kabhi kabhi to log mujhe paagal samajhne lagte hain

ki ek kahaani ko kyun baar baar likhtaa hoon

kyaa karun main ki dil meraa samajh paataa nahi

wahi puraani kahaani main baar baar likhtaa hoon

kisi ne kaha thaa ki likh lene se dil ka dard kam hotaa hai

shaayad yahi wajah hai ki main us koshish me likhtaa hoon

par jitna likhtaa hoon dard badhtaa jaataa hai dil kaa

aur apne agle geet me main badhte huye dard ko likhtaa hoon

main kabhi apni haari huyi mohabbat ko likhtaa hoon

to kabhi apni kismat ki rekhaaon ko likhtaa hoon

mil nahi paayaa mujhe meraa yaar jise chaahaa maine

isliye bas main apne us haar ki kahaani likhtaa hoon

maaloom hai log padhene kai kai baar aur denge gaaliyaan bhi

ab to aadat hai isliye main yahi sab baar baar likhtaa hoon

koi bataayegaa kami meri lekhni ki, koi bahut khoob kahegaa

par sach to ye hai ki main bas dil ke sukoon ke liye likhtaa hoon

Duriyaan kaise badhi

chhoti chhoti baatein hi hoti hain
jo atoot rishton ko bhi tod jaati hain
samajhne ko kabhi ek nahi samajhtaa hai
samajhne ko kabhi koi aur nahi samajhtaa

bas ek bhool, ek bhool bahut ho jaataa hai
aur koi apna sab kuch chhod ke duur chalaa jaataa hai
agar rishtaa itnaa pyaaraa hota hai to kyun??
bhalaa kyun hum koshish nahi karte ki use rok len?

maanaa ki krodh me, yaa chaahe dard se
humne kisi ko kuch keh diyaa ho
lekin, kam hone pe wo krodh yaa dard
hum kyun koshish nahi karte fir milne ki
kyun har baar hum duriyon ko aur dur karte hain
jo rishton me daraarein aa jaati hain
un daraaron ko aur failaate kyun hai

kyaa yahi hoti hai mohabbat ?
ki jab ek saathi bhatak jaaye raah se
to dusraa koshish na kare sambhaalne ki?
kabhi ek saathi chhod jaaye haath to
dusraa naa roke use.. naa koshish kare...

ye kaisi mohabbat hai tum hi kaho..
tumne bhi to kasme khaayi thi
leke haath mera apne haathon me kahaa thaa kai baar
'main tumhaari hoon, sadaa tumhaari rahungi,
chhod jaane ki agar tum koshish karo kabhi,
main apni mohabbat se tumhe rok lungi,
naa jaane dungi kabhi tumhe mujhse duur jaanaa,
naa hone dungi tumhe kisi aur kaa,
chaahe laakh pareshaaniyaan hon,
jaan bhi chaahe chali jaaye meri,
main tumhaari hoon.... sadaa tumhaari rahungi'

kyaa huwaa us waade ka...
maantaa hoon bhatak gayaa thaa main kuch pal ke liye
maantaa hoon hosh nahi thaa mujhe kuch pal ke liye
tum to hosh me thi naa.. tumhe rok lenaa thaa mujhe
thaam ke meraa haath apne haathon me kehnaa thaa
'dekho, meri aankhon mein, main tumhaari hoon,
tumhi ko chaahti hoon, chhod ke meraa saath,
naa jaane dungi tumhe main, tum mere ho'

shaayad main ruk jataa, koshish to karte ek baar
maantaa hoon main nahi maanaa, maine koshish nahi ki
magar ek taraf se koshish to kar ke dekhte tum
hamaare saath kuch ajeeb saa hi kissaa huwaa
dono chaahte the ki hum rahe ek dusre ke
magar ek dusre ko hum peeth dikhaaye khade the

yahi wajah thi shayad ki hum duur ho gaye
kasoor sirf tumhaaraa nahi, hum dono kaa thaa
na koshish tumne ki paas aane ki, naa maine ki
dil hi dil to pyar karte rahe magar
shayaad ahankaar thaa hum dono ko kisi baat kaa, zidd thi
ki kyun main jaaun pehle, kyun main haar maanu
usne todaa hai rishtaa, wo manaaye aake
bas isi intezaar me duriyaan bahut badh gayi
aur humein ek dusre se duur, bahut duur kar gayi....

Meri paagalpan ho naa

tum hi meri chaahat, poojaa bhi ho naa
duur tumse kaise rahun main, kaho naa

ye duuri hai kabse, hum mile bhi nahi hain
aaye to aaj yahaan, kuch der to raho naa

jaane ki jaldi hai, aaye tum abhi ho
dar hai yeh kaisaa, meri baahon me ho naa

ye aankhon kaa kaajal, ye hothon ki laali
ye zulfon ke baadal, ye kaano ki baali

dekhun main tumko, main tumko hi chaahun
paagal hoon main, tum meri paagalpan ho naa

Kisse mohabbat ke

kyaaa likhun main aaj kyaa sunaaun main
kis kahaani ko aaj geet banaaun main
likhne ko apni poori zindagi likh chuka hoon
ab is duniyaa ko aur kyaa bataaun main

kaise huyi pehli mulaqaat apni
wo aage ki hui har ek baat apni
kaise milte the, kya kya karte the
kaise beeti har ek raat apni

kehne ko ab baaki kyaa rahaa hai
tab bhi main  bas gungunaataa rahaa hoon
geeton me sajaake apni mohabbat ko
main duniyaa ko bas sunaataa rahaaa hoon

baarish ke mausam se pyaar pehle bhi thaa mujhe
baarish ke mausam se pyaar aaj bhi hai mujhe
par fark itna hai,
pehle tumhaare sangh bheegaa kartaa thaa
ab apne aansuon ko inme chhipaataa rahaa hoon

mehfilon me yaaron ke muskuraaa letaa hoon
aaj bhi kisse puraane sunaa letaa hoon
bhoolnaa chaahaa kai kai baar tumhe lekin
yaadon me tumhe paas bulaa letaa hoon

tum jeene ki ummeed, mere ragon me basi ho
chaah ke bhi tumko bhulaaun main kaise
rakh ke koi paththar dil par main apne
roz kisse mohabbat ke sunaaun main kaise....

Chaahat ki jaadugari

thodi thodi si khumaari chhaane lagi hai
jo tu dheere dheere paas aane lagi hai

dhadkano ki tezi bhi badhne lagi hai
tu khushboo banke saanson me samaane lagi hai

halki si chhuwan bhi tere ungliyon ki
mere rom rom ko gudgudaane lagi hai

hothon ko tere chhu lun apne hothon se
ki laali inki pyaas badhaane lagi hai

seene se lagaake ji bhar ke main pyaar de dun
tere husn ki jaadugari dil jalaane lagi hai...

Tumhe yaad karta hoon

dosh tumhe nahi detaa, mujhme hi kuch kami rahi hogi
yaa shaayad kismat ne hi mere saath dillagi ki hogi
majdhaar me meraa saath chhod ke mujhe tanhaa kar gaye
samajhtaa hoon, kuch to tumhaari bhi majboori rahi hogi

har subah apni khidki ke parde hataake dekhtaa hoon
shayad kisi roz tumhaaraa chehraa nazar aa jaaye
bhatak jaao tum apne ghar ka pataa dhundte huye
aur jaate huye meri gali se meraa ghar nazar aa jaaye

aanaa ho tumhaaraa kabhi is taraf to aake dekh lenaa
aaj bhi tumhaari tasveeron ko deewaaron pe sajaa rakhaa hai
tumhaare likhe khat, tumhaare diye huye wo khaas tohfe 
unhi se maine apne ghar ko sajaa rakhaa hai

mehek tumhaari aaj bhi aati hai un laal gulaabon se
jo tumne diye the mujhe kabhi pyaar ki nishani bataakar
yaad kartaa hoon apne milan ke wo lamhe aaj bhi main
unhi lamho ko kaagaz pe utaartaa hoon main geet banaakar

kyun rooth gaye tum, kyaa wajah thi is judaai ki
kuch kami thi mujhme, yaa bewajah hi tumne duuri badhaayi thi
jaanaa hi thaa to chale jaate kuch waqt pehle tum
dil ke itne kareeb aa ke dil tod jaanaa tumhaari bewafaai thi

main tadaptaa hoon ye soch ke ki tumne chot pahuchaayaa hai mujhe
har tadap ke saath, main tumhaare chehre ko yaad kartaa hoon
saans to letaa hoon, par har saans ke saath tumhaaraa naam letaa hoon
is baar tum meri nahi, agle har janam me tumhe paane fariyaad kartaa hoon

Zaruri thaa shaayad

tumhaaraa meri zindagi me firse aanaa zaruri thaa shaayaad
achaanak se tumhaaraa ek din aanaa zaruri thaa shaayad

judaa ho ke tumse bikhraa padaa thaa main tinko ki tarhaa
mujhe fir se jodne ke liye tumhaaraa aanaa zaruri thaa shaayad

main to ab bhi isi bhram me thaa ki sab galtiyaan tumhaari thi
tumhaaraa ek baar aake meri galti bataanaa zaruri thaa shaayad

kyaa kartaa, tumhe naa paake lagaa kho diyaa ho saaraa jahaan
tumhaaraa aake meraa apnaa jahaan lautaana zaruri thaa shaayad

ab bhi tumhe yaad to kartaa hoon, par pareshaan nahi kartaa
tumhaaraa aake mujhe ek baar samjhaanaa zaruri thaa shaayad......

Main chehraa chhipaa rahaa hoon

kyaa kahoon tumse main ki kyun chhodaa haath tumhaaraa
nibhaake saath kuch pal kaa kyun chhodaa saath tumhaaraa
yaad karo wo din jab milaa thaa tumse aakhri baar main
wo din jab tumne wo baat kahi thi mujhse, apni sagaai ki

maine dekhaa thaa tumhaari aankhon me kuch khaas us din
shaaayad haar chuki thi lad lad ke sabse tum
shayad yahi wajah thi ki tumne bulaayaa thaa mujhe aakhri baar milne

badi aasaani se tumne keh diyaa thaa
'kal aa rahe hain mujhe dekhne ladke waale
agar pasand aa gayi unhe to sagaai bhi pakki hogi
yaad hai tumhe? poochh rahi thi mujhse karun ya naa karun haan?'

yaad karo wo pal, wo chehraa meraa...
maine binaa kuch soche samjhe tumse kahaa thaa
'keh denaa tum haan unse, maan lenaa tum baat unki'
kyaa karta bhalaa main bhi kaho
maang rahi thi tum kuch mujhse
naa dun tumhe kuch maangaa huwaa ye mumkin hai kyaa????

haan jaantaa hoon us din maine zindagi ki sabse badi bhool ki thi
tumhe judaa kar ke khudse khudko zindagi se bhi duur kiyaa thaa

ab tak samajh nahi paayaa hoon wo naraazgi thi ya zidd meri
jo chaah ke bhi tumse judne ki kabhi koshish nahi ki
jod liyaa rishtaa tumhaare hi kisi apne se
ye sochke ki saamne rahun nazron ke tumhaare main har pal

haan ye sach hai ki main tumhe sataanaa chaahtaa thaaa
jitnaa jalaa hoon main tumhe bhi jalaanaa chaahtaa thaa
maloom thaa ki khush to koi bhi nahi hogaaa
par tadap kyaa hoti hai ye tumhe samjhaanaa chaahtaa thaa

par maloom naa tha ki mumkin nahi dard denaa apno ko
yahi wajaa hai ki aaj bhi tumse chhip rahaa hoon
hoon tumhaare paas hi magar main kaise kahun tumse
khud ki nazron se gir chukaa hoon, khud ko tumse chhipaa rahaa hoon...
haan sach hai, main aaj bhi khud ko tumse chhipaa rahaa hoon....

Chalo thik hai

maan letaa hoon main tumhaari baat , chalo thik hai
tumhaaraa dil todke ghar basaa letaa hoon, chalo thik hai

mitaa denaa har nishaani meri, saare khat jalaa denaa
naam tak meraa mitaa denaa har jagah se, chalo thik hai

par wo naam jo tumhaare dil pe likhaa huwaa hai
bolo use tum kaise mitaa paaoge?
jis chehre ko dekhne ke liye, intezaar karti ho
us chehre ko kaise bhulaa paaoge?

bhool jaaungaa main tumhaari har baat, chalo thik hai
bhulaa dungaa tumhaari har mulaquaat, chalo thik hai

tumse milne se pehlee bhi tanhaa thaa, koi baat nahi
ab bhi guzaar lungaa tanhaa har raat, chalo thik hai

par tumhaari saanse jo bas mere naam se chalti hai
unko tum bataao na ... kaise rok paaoge?
tumhaare ragon me lahu banke jo mohabbat behti hai
usko behne se tum kaise rok paaoge?

badi asaani se tumne keh diyaa ki main bhulaa dun tumko
bhulaa diyaa.....chalo thik hai

khaake kasam mere sar ki keh do bas ek baar
kyaa ek bhi lamhaa mujhse judaa ho ke reh paaoge?

Kashtiyaaan

kashtiyon se to apna bahut puraanaa naataa hai
har baar hum bachaane ki koshish karte hain
aur ye har baar humein dubo jaatein hai

dikhaake saahil, jagaake aas dil me zindagi ki
ye bich raah me hi zindagi se duur le jaatein hain
haan ye kashtiyaan hi hain meri dushman

ab bhi main kashti par hi sawaar hoon
ek nahi do kashtiyon pe saath sawaar hoon
ek paaon idhar hai, ek udhar hai meraa
koshish kar ke bhi main kahin kaa nahi hoon

maloom nahi mujhe ki aage kyaa hogaaa
badhaa chukaa hoon kadam ab to bas chalnaa hogaa
mumkin nahi ki mud ke dekhlun pichhe kyaa hai
chhod diyaa hai kismat pe, hogaa jo bhi honaa hogaa

Kyun aisi baat karte ho

badi bholi ho tum, jo is tarhaa ki baat karte ho

dil pe chalaa ke khanjar khilkhilaane ki baat karte ho

kehti ho khud hi ki darte ho khayaal se bichhadne ke

khud hi mujhe tumse duur chale jaane ki baat karte ho

karti ho baatein senhe ki dard-e-judaai mujhse, aur

khud se alag karke mujhe meri khushi ki baat karte ho

basnaa chaahte ho meri rooh me meri saanson me tum, aur

chhinke sahaaraa mera, sambhal jaane ki baat karte ho

maaloom hai ye baat kuch dino ki hai aur bhool jaanaa hai

tum bhulaa paaogi? jo mujhe bhool jaane ki baat karte ho

agar tumhe 'Hriday' ka ashq banke rehna hai to sahi

mujhe ro lene do, kyun mujhse muskuraane ki baat karte ho

rotaa rahunga zindagi bhar main agar tum aansu ho mere

chaahne do tumhe, kyun kisi gair ko chaahne ki baat karte ho

Naa sambhal paaungaa

mumkin nahi hai ki bich raah me saath chhod jaaunga main
tum to samajh jaaogi, par khud ko kaise samjhaaunga main

ye aur baat hai ki sambhal gayaa tha pichhli baar main
par ab tum nahi rahoge, to kaise sambhal paaunga main

maaloom hai ki kisi ke sapne sajaane hain mujhko, lekin
kisi aur ke sapne tum hi kaho, kaise tod paaungaa main

tutaa thaa dil meraa pehli baar to tumhaaraa sahaaraa thaa
ab apne sahaare se duur jaake kaise thahar paaunga main

jaanaa, rishtaa meraa tumse kuch is tarha se jud gaya hai
ki judaa ho ke tumse shayad bemaut hi mar jaaungaa main

sach kehtaa hoon, mumkin nahi mere liye tumse duur rehnaa
bin tumhaare toofaan me tinke ki tarhaa main udd jaaungaa

Tumhaari yaad bahut aayegi

badi aasaani se tumne keh diyaa
ki jaa rahi hoon duur tumhaari zindagi se
rahungi saath tumhaare to
tumhaare pyaar ko tum pyaar naa de paaoge
bas mujhe hi chaahte reh jaaoge

par kyaa sochaa hai tumne ek bhi baar
ki is tarhaa saath chhod jaane se
kyaa hogaa is pagal kaa
ye paagal jo sirf tumhaare baare me sochtaa hai
ye paagal jo bas tumhaaraa saath chaahtaa hai

hoti hai kuch majboori ki har kisi ko
har kisi ka saath nahi mil paataa lekin
ye bhi to zaruri nahi ki jise chaahen
us se itne duur chale jaayen ki
chaahne se bhi mil naa sake

ye baat sahi nahi hai tumhaari
chhod jaane kaa faislaa galat hai tumhaaraa
na milo mujhse, par paas to raho mere
ki chaahu jab bhi milna, main mil loon
kare mann mera baat karne ka to kar loon

mushkil hogaa duur jaa paanaa tumhaari aadat se
ye aadat jo tumne daali hai khud ki mujhme
ye aadat kyaa tumhaare kehne se chhuut jaayegi?
na maano tum par maloom hai mujhe
tumse duur jaake bhi mujhe tumhaari
sirf tumhaari yaad bahut aayegi
jaanu, mujhe tumhaari yaad bahut aayegi...

Naasamjhi meri

naasamjhi thi meri jo naa samajh paayaa main us pal
ki kaun apna hai kaun parayaa hai meraa
bas ek chhoti si kharonch ke dard se bachne ke liye
khud ko zamaane bhar ka maine dard de diyaa

naa jaan paayaa thaa main us pal ki tum kyaa ho mere liye
huwaa judaa tumse to jaanaa ki meri saanse tumse hi thi
saath har lamhaa haste huye guzraa to naa samajh paayaa thaa
jab duur huwaa to jaanaa meri muskuraahat tum se hi thi

maantaa hoon ki har gunaah meraa hi thaa
maantaa hoon faisla wo galat meraa hi thaa
samajh paataa agar us pal is baat ko main
to aaj tum meri aur main tumhaaraa hotaa

ho sake to maaf kar denaa mujhe tum
anjaane me tumhe maine dard ka samundar de diyaa
tumne samjhaa thaa ki saahil tak saath dungaa main
lekin maine majdhaar me hi tumhe dubo diyaa

khush to naa main rahunga na tum reh paaoge
judaa ho ke tum mujhe bahut yaad aaoge
mil tumhe paaungaa nahi main shayad fir kabhi
bas meri yadaon me aa aa ke mujhe tadpaaoge...

Kuch to bhi

meri shayari mujhse aksar poochaa karti hai
ki kyun chaahte ho use itna jo tumhaari nahi
main har baar has ke use keh detaa hoon
"tumhaare saath hoon na main, tum bhi to meri nahi"

 

shabdon ko jod ke dil kaa haal bayaan kartaa hoon main
jo dil bhar aataa hai meraa, gaa ke sunaataa hoon main

chaahaa thaa kisi haseen ko jo hai nahi meri ab, lekin
uski yaadon ko aajkal kore kaagaz pe utaartaa hoon main

subah se shaam tak kabhi kuch bhi nahi likh paataa, lekin
ghum nahi, uski tasveer ko dekh muskuraa letaa hoon main

jaane ye kaisa ehsaas hai ki wo duur ho ke bhi duur nahi
tanhaai me bhi us chehre ko apne kareeb paataa hoon main

uske likhe un geeton se aaj bhi uski hi mehek aati hai
aur unhi geeton ki khushboo se mehek jaataa hoon main

bhoolne ko bhool chukaa hoon duniyaa ki har baat, lekin
kyaa wajah hai uski baaton ko nahi bhool paataa hoon main

hai nahi saath mere, naa milegi kabhi mujhe ye maloom hai
lekin, sach hai is jahaan me bas usi ko chaahtaa hoon main

Kaash tum laut aao

sach kehti ho tum shaayad ki mujhse hi tum ho
par kaise bataaun tumhe ki tum bin main kuch nahi
haan main hi thaa jo muskaan laataa thaa tumhaare hothon pe
haan main hi thaa jo tumse geet likhwaataa thaa, magar

kyaa tumhe maloom hai ki,  wo tum hi thi
jisse maine sikhaa pyaar karnaa,  wo tum hi thi
maaloom na thaa ki kyaa hotaa hai kho jaanaa bheed me
maaloom na thaa ki kyaa hotaa hai ehsaas chaahat kaa

mila tumse pehli baar to naa jaan paayaa thaa magar
miltaa rahaa tumse to ye sach jaanaa maine
ki mumkin nahi kuch bhi keh paanaa tumsse judaa hoke
mumkin nahi muskuraanaa tum bin ye jaanaa maine
koshish to bahut ki maine aa ke mil loon tumse magar
yeh kadam mere jo uth_te hain fir ruk jaate hain

jaane wo kaunsaa bandhan hai jisne rok rakhaa hai mujhe
main chaah ke bhi kadam badhaa paataa nahi
main, chaahtaa bahut hoon par muskuraa paataa nahi
judaa ho ke tumse kisi se saath nibhaa paayaa to tumhaari yaadein hain
yaad aate hain aajkal har lamha tumse kiye mere wo saare vaadein hain

ab bhi kabhi tanhaa baithe apne kamre me
sochtaa hoon kyaa wajah thi
kyaa kasoor thaa meraa tumhaaraa
ki judaa ho gaye hum ek dusre se
tut ke bikhar gaye hamaare wo kasmein vaadein

ye dil jo thaa kaanch ke aaine ki tarhaa
ab bikhar ke jaane kyun tukdo me badal gayaa
kyun hamaari haath ki rekhaaye dhokaa de gayi
kyun ye hamaaraa pyaar bharaa jahaan badal gayaa

aaj bhi sochtaa hoon main ki kaash tum aajaao laut ke ek baar
aake lag jaao mere seene se aur kaho mere kaano me dheere se

'jaanu, mujhe tumse mohabbat hai, aaj bhi mujhe sirf tumse mohabbat hai'

kaash.... tum laut aao....
kaash.... tum laut aao....

Uski yaadon ka sahaaraa

kaise  bataaun  kitnaa  khoobsurat  meraa  yaaraa hai
wo to zamaane me sabse zyaadaa mujhe pyaaraa hai

jiske  saath  maine  ab  tak  kaa  har  pal guzaaraa hai
ab  woh  nahi ,  bas  uski yaadoon kaa hi sahaaraa hai

Humne bahut dekhe hain

ho   fidaa   jo   haseen   chehron  pe  aise  bahut  dekhe  hain
pal   bhar   saath   nibhaane  waale  humne bahut dekhe hain

kaun   karta   hai   yahaan   sachcha  ishq  aaj  ki  duniya  me
mohabbat   ko   koi   khel   samjhe   aise   bahut  dekhe  hain

kaun   dekhegaa   aaj   tumhaare   dil  me  jhaank  ke kya hai
jo   dekhe   bas   chehraa   upar   se  aise  bahut   dekhe  hain

kahaan   waqt   hai  kisi  ke  paas  ki  baithe do pal  saath  me
matlab pooraa karke nikalne waale humne bahut dekhe  hain

ye  zamaanaa  aisa  hai ki  yahaan  qadar  nahi  mohabbat  ki
verna humne bhi mitne waale mohabbat pe bahut dekhe hain

Tujhe dhundta rahaa

tere  geeton   ko  apne  hothon  pe sajaataa rahaa

tu   hai  kareeb   khud  ko main samjhaataa rahaa

banke khwaab  mere aankhon  me jo aataa rahaa

wo   meraa   apna  hai,  ye  mujhe bataataa rahaa

banke   dhup ,   har  din  ki meri   tu  roshni  bani

banke   chandaa   raaton   ko  tu   hi  aataa rahaa

koi   dekh  naa  le  kahin  teri  tasveer ko jaanaa

teri  tasveer  ko  is  jahaan  se  chhipaataa rahaa

muskuraaun ,  meri zindagi me koi wajah to nahi

tu hai  meri  ye soch ke main muskuraataa rahaa

ek    kasak   jo    uth_ti  thi   is  'Hriday' me kabhi

wo  banke   aag, mere dil ko bas  jalaataa rahaa

main dhundta  rahaa tujhe jaane  kahaan kahaan

naa  mili  tu   kahin ,  main   bas  tadaptaa rahaa

Ek rishta

milte rahe banke dost hum

dosti badhti rahi

jaane kaise wo dosti

mohabbat ban gayi ek din

naa kabhi tum jaan paaye

naa kabhi hum jaan paaye

jaane anjaane me tumse 

kuch aisa rishtaa ban gayaa

naa kabhi tum samajh paaye

naa kabhi hum samajh paaye....

Hum bhoole nahi hain

tumhaare  hothon  ki  wo  laali ,  aaj   bhi   hum   bhoole   nahi  hain

tumhaare  kaano  ki  wo  baali ,   aaj   bhi  hum   bhoole   nahi  hain

milne  tumhe jab aate the hum , dekh humein tum sharmaa jaate the

dekh humein tumhaaraa muskuraanaa, aaj bhi hum bhoole nahi hain

sharmaake  humse nazar churaanaa, fir dheere se kareeb  aajaanaa

aake  mere  seene  se  lag  jaanaa ,   aaj  bhi  hum  bhoole nahi hain

Huzoor

khaake kasam  aapke sar ki kehte hain hum

thodaa  aetbaar   hum  pe  kariye  to huzoor

bepanaah mohabbat hai humein aapse, aap 

thodaa  saa  pyaar  hum se kariye to huzoor

kabse  is  dil  me    koi   bechaini   nahi   hui

koi    teer ,   dil  ke  paar  kariye   to  huzoor

ho  jaaye ghaayal hum mohabbat me aapke

koi   aisaa    waar  dil  pe  kariye  to  huzoor

 

jaisaa   karte   the  pyaar  humse  aap  pehle

fir   se   ek  baar  hum  se  kariye   to  huzoor

Tum hoti to

tum  hoti  to   yun   shaayari  se   dil lagaane  ki zarurat naa hoti

tum  hoti  to   waqt   guzaarne ke  lie   likhne ki zarurat naa hoti

kaash tum hoti mere sangh , to  main bas  tumhaaraa hi rehtaa

yun   apne   dard pe logo ko kisse  sunaane  ki zarurat naa hoti

tum ,   haan   tum  me  hi  wo  baat   thi jo   kisi aur me naa mili

tum  hoti to  mujhe khud  ko  kahin dhundne ki zarurat naa hoti

tum se hi jahaan thaa meraa, tumse hi to meraa aasmaan thaa

tum   hoti to khwaabon kaa   mahal  banaane ki zarurat naa hoti

kaash ,   aisaa   hotaa  ki  tum    meri hoti,  tum mere saath hoti

to  deewaano   ki  tahraa ,  kalam   se dosti ki  zarurat  naa hoti 

tum   hoti   to , naa 'Hriday'   naam hotaa,  naa  koi jaan paataa

kaash  tum  hoti, to mujhe  kisi  naye naam  ki  zarurat naa hoti

tum   hoti,   to   ye  'Kapil'   sirf  aur    sirf tumhaaraa   hi  rehtaa

tum hoti  to   geeton  me kuch  bhi   bataane  ki zarurat naa hoti

December ki raat aagayi

lo    aaj   fir  jaadon  ke  saath   tumhaari  yaad  aa  gayi

yaadon  me  pichhle  saal  ki haseen mulaquaat aa gayi

sard  raatein  jinhe  garm  kiyaa  thaa  apni saanson se

tum nahi ho, par yaadon me tumhaari har baat  aa gayi

wo jaade  ki dhoop jab baith_te the   hum aanagan me

tanhaayi  me   humein  un   dino  ki  fir se yaad aa gayi

aaj  main  hoon aur  bas tumhaari ek tasveer hai saath

dekhke   jise yaad mujhe tumhaari har saugaat aa gayi

un  sard  raaton  me  jab  tum hoti thi meri baahom me

leke  tumhaari   yaad ,  December ki fir wo raat aa gayi

Hum aashiq hain

hum  apna  andaaz   naa  badle hain , naa aage  badlenge

mohabbat   karte     aaye   hain  , aage bhi karte  jaayenge

kyaa    huwaa   jo    dil   apnaa  tutaa kai  kai baar yahaan

khud    hi  fislenge   , khud  har   baar sambhalte jaayenge

rokne   ki  koshish   chaahe   kar   le ye zamaanaa saaraa

hum deewaane  hain , sab  ko deewaanaa karte jaayenge

fer le   koi   muh    apnaa  kuch palon kaa saath nibhaake

hum  uski  bewafaai   pe   bhi yunhi muskuraate jaayenge

kisi  ki  aankhen  ,  kisi  ke   honth , kisi  ki  zulfen  pyaari

hum   har   naye chehre  se apne dil ko lagaate jaayenge

naa   mile   koi   humein  sachche dil se chaahne waalaa

har  dar pe sachche mohabbat ki  talaash karte jaayenge

rahenge   dhundte    ki  koi  ho jo  humein bhi pyaar karle

hum  aashiq  hain , hum   bas aashiqui hi karte jaayenge

Kyaa likhun

tu hi bataa main aaj kis baat pe likhun

dard pe likhun ya fir mohabbat pe likhun

ab tak sab to tere naam pe hi likha hai

tu aajaaye laut ke fir tere naam pe likhun

har geet puraanaa padh ke bhi maine dekhaa

dil se bahut tujhe yaad karke bhi maine dekhaa

likh nahi paayaa kuch bhi main tujhse duur hoke

teri yaadon se khud ko duur karke bhi maine dekhaa

saath thi to mohabbat pe likh letaa thaa

judaa hoke tujhse judaai pe likh letaa thaa

judaai ka dard bhi kam hone lagaa hai ab to

warna pehle main dard pe likh letaa thaa

pehle tarifon ke pul bandh jaate the meri lekhni pe

par kehte hain log mere likhne me ab wo baat nahi hai

kaise kahun logon se ki kya wajah hai is kami ki 

sach ye hai, likhtaa thaa jispe wo mere saath nahi hai

Mohabbat kya cheez hai

hone se pehle  kahaan  samajh paaye the ki dard kyaa cheez hai

judaa  huye  tumse  to  samjhe hain hum ki judaai kyaa cheez hai

samajhte  the hum ki badi khoobsurat ki koi cheez mohabbat hai

huwaa humein jab pehli baar to jaanaa mohabbat kyaa cheez hai

ek  haseen   saa shaqs, pehle dost banaa, fir mohabbat ban gaya

rahe kuch pal uske saath,  maloom huwaa zindagi kyaa cheez hai

Main aisaa sochtaa hoon

kabhi    beete   dino    ke    baare    me   sochtaa  hoon

kabhi     beeti   raaton   ke    baare   me  sochtaa  hoon

tanhaa     baithun    kabhi     main     ek   pal  bhi  kahin

main   guzre   lamhon   ke  baare   me   sochtaa  hoon

aaj   bhi   kyun   tumhaare  baare  me   sochtaa  hoon

tumhaari   un   baaton   ke  baare  me   sochtaa  hoon

mitaa  chukaa  hoon  dil  se   tumhaaraa   naam  lekin

puraane un mulaaquaaton ke baare me sochtaa hoon

malooom    hai  mil  nahi  saktaa  tumse   kabhi  main

par ho  tumse ek mulaaquaat main  aisa sochta hoon

mil     jaao  kahin  chalte  chalte  raah  pe  tum  mujhe

jaane    kyun   aaj  bhi  main  kuch  aisa sochtaa hoon

Mohabbat kar lijiye

thodaa   saa    sajiye  ,   thodaa    sanwar  lijiye

aaj  humse  mohabbat   zaraa   aap   kar   lijiye

yeh   pal   bhar   ki   shaam   hai ,  fir   raat  hai

koi   shaam   mere   saath   aap   thahar   lijiye

yeh  gaalon  ki  laali , yeh   aankhon   ki  masti

hothon se apne chhu  ke  madhosh  kar  dijiye

yeh  zulfon  ke  baadal ,  barasnaa  ye  chaahe

mohabbat  ki   baarish   inse   aap   kar  dijiye

mere  dil  ki  har  dhadkan   ki  tezi  badhi  hai

meri  baahen  khuli  hain ,  khudko  bhar lijiye

yeh  jaadu  chaahat  kaa kuch aisa chadha hai

thodaa  saa  ji  len ,  kabhi  thodaa  mar  lijiye

mere  seene  se  lag  ke  mujhe  de dije raahat

jhoomen  nashe  mein  kuch  aisaa   kar  dijiye

paagal, main premi, deewaanaa bhi hoon main

thodi   si   deewaangi   aap   humse   kar  lijiye

Muskaan

wo hamaari muskaan dekh hum ko khush samajh lete hain

wo  khush  rahe bas yahi soch ke hum muskuraa dete hain

Aajaaiye

jaanaa  hai  huzoor    aapko ,   aap   chale  jaaiye

vaadaa  humse   milne  ka  kal  aap  karke jaaiye

kaat  lenge   ye  rainaa  hum  binaa aap ke, lekin

subah  ki   pehli  kiran  ke  sang  aap   laut  aaiye

haal  dil   ka  aisa  hai  ab   kahin   lagta   hi  nahi

banke   meri  sadaa  ke  liye  aap  aa  bhi  jaaiye

achchi   nahi  ye  dillagi  aap   ki   dil   jalaane  ki

aap rehke humse duur duur yun na muskuraaiye

dil   mein  koi  baat  hai  to  aap humein batlaaiye

yaa   maanke  fir  baat  hamaari , aap aa hi jaaiye

Baaki hain

kuch  nishaan  tere  yaadon  ke  ab  bhi  baaki  hain

kuch   daag  dil  ke  zakhmon ke ab bhi  baaki  hain

mitne  ko mit chukey hain  aankhon  se  aansoo bhi

par dil  se  behte aansoo  kuch  ab  bhi  baaki  hain

Khataa meri

tumhe  jaanaa  hai  tum  chale  jaao ,  magar bas itnaa to bataa ke jaao
chhodaa hai tumne  saath meraa kyun, meri khataa mujhe bataate jaao

Yaadein

yeh  tanhaa   raatein  mujhe  sone   nahi   deti
aur    meri    bebasi    mujhe   rone   nahi  deti
chaahaa   bahut  ki   bhulaa  dun   tujhe  main
magar yeh yaadein tujhse duur hone nahi deti

Yaad

yaadon  se tere main duur jaaun kaise
tu hi bataa , tujhe main bhulaaun kaise

Aadat

wo  raatein  jo  tujhe baahon me leke guzaaren the kabhi
wo  zulfen  teri jo apne hi haathon se sanwaare the kabhi
ye to bas teri aadat  hai ki ab tak chhut nahi paayi humse
ye saansen jo chalti hain, wo tere hi to sahaare the kabhi

Teri yaad

har  ek  saans  meri  tere  naam  se  hi  chalti hai
har  ek  dhadkan  meri  tere  hi  geet  sunaati hai
bhulaane ko to main kab kaa bhulaa detaa  tujhe
par  teri  yaad  tujhe  mere  aur kareeb le aati hai

Kyaa baat ho

yun  to  chaahat har dil me hoti hai, hum kisi se pyaar karen, koi humein bhi pyaar kare
kisi  ko  manchaahaa humsafar mil hi jaataa hai, aur koi hum jaisa jo bas intezaar kare

bas kuch aisi hi feelings ko jod ke kuch likhne ki koshish ki hai....

koi   haseen   saa  humein  yaar  mil  jaaye  to  kyaa   baat  ho
humein    bhi   kisi  kaa  pyaar  mil   jaaye   to    kyaa   baat  ho

reh   reh   ke  dard   uth_ta   hai   is   dil   me    mohabbat  kaa
dil   ko   thodaa  saa    karaar   mil   jaaye    to   kyaa   baat  ho

raahon  me aankhen bichhaaye baithe hain hum intzaar mein
kisi   ke   aane  kaa  humein aetbaar mil jaaye to kyaa baat ho

bahut jee chuke  hum aansuon ko apne bahaake tadapte huye
khushiyon  kaa   humein  ek sansaar mil jaaye to kyaa baat ho

seene  se  lagaa  ke  usko  hadd  se  bhi zyaadaa pyaar denge
kisi  ki  baahon  kaa   humein   haar  mil  jaaye to kyaa baat ho

hum  to  hatheli  pe  apnaa  dil    sajaaye    baithe   hain  kabse
kisi  ki  chaahat  kaa  humein  iqraar mil jaaye  to kyaa baat ho

pal  bhar  kaa  pyaar  karte  humne   bahuton   ko   dekhaa  hai
kisi  se  humein  pyaar  beshumaar  mil   jaaye to kyaa baat ho

Naa rahe hum

rukh hawaaon kaa aisaa thaa, apne hi safar ke naa rahe hum

rishtaa  apno   ne  aisaa todaa, apne hi ghar ke naa rahe hum

naa  milaa  saahil , naa  mili kashti, majdhaar me hi rahe hum

kiyaa  logo  ne  begaanaa  , apne  hi shahar ke naa rahe hum

apni   parchhaayi  ko bhi kabhi sukuun  naa mil sakaa humse

koi  manzil  hi  nahi  apni ,  kahin  bhi thahar ke naa rahe hum

kaun  apnaa  hai  yahaan  hamaaraa ,  kiske  hum paas rahen

kaun  soche  apne  baare  me ,  kisi ke fikar ke naa rahe hum 

chaahat  me  khud  ko  neelaam kar ke bhi  dekh liyaa humne

naa rahe kabhi  idhar   ke , aur  kabhi udhar  ke naa rahe hum

Pyaar karke dekho naa

kyun  rehte  ho  mujhse  duur   duur  yun

kabhi  to  mere  paas aa  ke  dekho  naa

gaalon   me   gadhdhe  kaise  padte  hain

ek  baar  tum   muskuraa  ke dekho  naa

kaisi    kashish   hoti  hai   mohabbat  me

ek   baar  baahon  mein aa ke dekho naa

zulfon  ko  failaa   do  mere   chehre   pe

mujhe  hothon  se  chhoo  ke  dekho naa

kaisi   aawaaz   hoti   hai   dhadkano   ki

un   ki  tezi  ko  badhaa  ke   dekho  naa

jo  geet  tumhaare  naam  pe   likhe  hain

unko kabhi tum gungunaa ke dekho  naa

badi    khoobsurat     hai     yeh    zindagi

tum  ek  baar  pyaar  kar  ke  dekho  naa

Naam likh dun

meri   muskaan   ko   tere   hothon   pe   sajaa ke
tere   aaansuon   ko   main   apne  naam likh dun

aaye   maut   agar   main   badh   jaaun  aage aur
apni     zindagi    ko  main   tere   naam   likh  dun

chheen    loon   geet   dard   ke   tere   hothon   se
geet     mohabbat  ke  main  tere  naam   likh  dun

ruk      jaaye      kisi     pal     teri    saansen    agar
apni    dhadkano   ko   main  tere  naam  likh  dun

tere  naam  ke siwaa  keemat nahi mere geeton ki
har   ek    geet  apni   main   tere   naam   likh  dun

likhaa     thaa   kabhi  kisi  ka naam is dil pe maine
aaj  fir   ek  baar  'Hriday' me   wo  naam  likh  dun

Kuch bhi naa mil paayegaa

naa  kuredo  mere   dil  ke   chhaalon  ko  tum    itni   baariki  se
wahaan  zakhmon  ke   siwaa    kuch   bhi   naa   mil  paayegaa

kuch  tukde   milenge  tumhe   kaanch  ke ,  kuch  dil  ke honge
un  tukdo  ke  siwaa  wahaan   kuch    bhi   naa   mil  paayegaa

dhundoge  nishaan  mere  choton  ke  mere   geeton   me  agar
bas  uskaa  naam  hogaa ,  aur  kuch   bhi   naa   mil  paayegaa

jitnaa   sincho  mujhe ,  mujhme  jitnaa  bhi   tum  khaad  daalo
banjar  zameen  hoon  ,  mujhse  kuch  bhi  naa  mil  paayegaa

jee  rahaa   hoon  main ,  magar   koi chaah nahi jeene ki mujhe
amaawas hoon ,  andhero ke siwaa kuch bhi naa mil paayegaa

raho  tum  duur   mujhse ,  main paap hoon, koi rog hoon main
siwaaye maut ke mere paas kuch bhi tumhe naa mil paayegaa

Main koshish kartaa hoon

sunaa  ke  kisse  mohabbat  ke muskuraane ki koshish kartaa hoon
main  taaliyon  mein   apna  ghum  bhulaane ki koshish kartaa hoon

main  apne  dard  ko geeton mein sunaaane ki koshish kartaa hoon
unhi  geeton  se  main  apnaa  dil  behlaane ki koshish kartaa hoon

hai bahut ghum chhipe seenee   mein mere, main kyaa kyaa kahun
chhipaake  har ghum ko  main  gungunaane ki koshish kartaa hoon

jo  meraa  saath  thaa ,  use   chhod   ke  kab  ki  wo  hai  jaa chuki
main  maanaa  nahi ,  ab  bhi  usi ko  paane ki koshish kartaa hoon

subah  se  shaam  tak ,  fir  raat   tak, main usi ko yaad kartaa hoon
uski  tasveer  se   main  aaj  bhi   dil behlaane ki koshish karta hoon

Andheraa

upar  se  dekho  to  rangon  se sajaa hai meraa jahaan
par  jhaank  ke  dekhoge andar to bahut andheraa hai

har  kaali  andheri  raat ke  baad subah aati hai magar
meri zindagi me naa koi  suraj hai na koi saweraa hai

Hadd se guzar jaayenge

yun roz roz milte rahe tujhse hum agar

hum tujh se mohabbat sa kuch kar jaayenge

rok naa paaye khud ko kabhi hum agar

mohabbat ki har ek hadd se guzar jaayenge

kabhi bhar lenge tujhe baahon me hum

yaa kabhi tanhaayi me hum muskuraayenge

banke deewaanaa raahon pe niklenge kabhi

ya kabhi teri hi yaad me doob jaayenge

baatein karenge yaaron se kuch paagalon saa

yaa kabhi kehte kehte hi chup ho jaayenge

yun chaltaa rahaa milan kaa silsila agar

hum tujh se mohabbat sa kuch kar jaayenge

rok naa paaye....

ho jayenge guum hum duniya me chaahat ke

ya fir kabhi teri aankhon me doob jaayenge

khelenge hum kabhi tere zulfon ki chhaon me

ya kabhi tere surkh hothon ko chhoo jaayenge

badh jaayengi dhadkano ki tezi bhi kabhi

jab kabhi hum tere bahut kareeb aa jaayenge

yun badhti rahi nazdikiyaan tujhse agar

hum tujh se mohabbat sa kuch kar jaayenge

rok naa paaye .....

ye dosh hamaaraa nahi teraa hi hogaa sanam

agar hum kabhi teri adaaon pe mar jaayenge

nashe me jhoomte huye madhoshi me doobke

aake tere chaukhat pe kabhi hum gir jaayenge

rok naa paayegi tu humein tab paas aane se

hum jaane tab kaunse gunaah kar jaayenge

yun aati rahi tu mere khwaabon me roz agar

hum tujh se mohabbat sa kuch kar jaayenge

rok naa paaye....

Teraa naam aataa hai

har  kisi  ke  naam ke saath teraa naam aataa hai
dil ki har dhadkan ke saath teraa naam aataa hai
yun  to  arsaa  beet  chukaa  tujhe bhulaaye huye
par  har  ek  yaad  ke  saath teraa naam aataa hai

Guzarish

Ek guzarish kalam se....

ae  kalam  mere  kuch   likhwaa   mujhse  aisaa
padh  ke  unke  chehre  pe  muskaan   aa  jaaye

sharmaa ke  chehraa  chhipaa  len aanchal mein
jab  khat  me  unhe  meraa  chehraa  nazar aaye

khat   ko  mere  wo  chhoo  len apne hothon se
aur  agle  pal  wo  khud se   hi   sharmaa  jaaye

aaj  kuch  aisaa  asar  kar  is  kore   kaagaz   pe
mehek mein mohabbat ke wo bhi mehek jaaye

Aur ek guzarish khat se.....

titli   se   rang   le   ke   unko   tu  aisaa  rangnaa
ki  saaton  rang  me  khushi  ke  wo  rang  jaaye

haalat  meri  bataanaa , unkaa bhi poochh aanaa
kuch aisaa jaaduu karnaa ki wo bas muskuraaye

banke  tu  baadal jaanaa, aur jaake baras jaanaa
kuch  is  tarhaa  tu barasnaa, ki wo bheeg jaaye

unke paas jaanaa,  wahaan shaam tak thaharnaa
unko  tu  baahar  laanaa , jab chaand nikal aaye

chandaa ko main dekhungaa, unko bhi tu dikhaanaa
aur  chaand  ke  chehre me mujhe wo nazar aa jaaye

Chhuu lene do

aasmaan  khulaa  hai  saaraa, mujhe usme udd lene do
pankh  failaake   aaj mujhe ,  aasmaan ko chuu lene do

Fir tumhe muskuraanaa hogaa

ishq   ko  kashti  kahun ,   tumhe   saagar  ,   main  kinaaraa
ishq  pe  ho  ke  sawaar   milne mujhse tumhe aanaa hogaa

hai   andheraa  har  taraf ,  ummeed  ki  koi  kiran  tak  nahi
banke kiran mere  jeewan me roshni  tumhe  laanaa hogaa

jeet   lenge   har  jung  hum ,  kisi  se  naa  kabhi  haar hogi
ek  baar  sankalp  leke  khud  ko tumhe samjhaanaa hogaa

ghum  me doobaa hoon main, tum bhi shayad ghum me ho
bhulaake  har  ghum ko jaanaa tumhe muskuraanaa  hogaa

maana   ki  dhoke  khaayen   hain  ,  tut_e  bikhre  bhi   hain
magar  jeene  ke  liye kismat ko tumhe  aazmaanaa  hogaa

dard  ko  sab  bhool  kar , aansuon ko  khud  se duur karke
mohabbat ke naam se fir geet  tumhe  gungunaanaa hogaa

Pyaar kaa nashaa

kahin  to  baarish  hui  hogi   mohabbat  ki
kahin  to  koi  bheegaa  hogaa  pyaar mein

koi  doobaa  hogaa  kisi  ki  aankhon mein
koi  jhoomaa  hoga  kisi  ke  aetbaar  mein

boonden  baras  rahi  hain  kuch  meethi si
gungunaa  rahaa  hogaa  koi intezaar mein

piyaa  ke  aane  ki khushi me hoke paagal
kahin  koi  uljhaa  hogaa  shringaar  mein

wo  meethaa  saa  dard  jo hota hai dil me
kaisa hotaa hogaa mohabbat ke ikraar me

koi aake bataade mujhe bhi ek baar zaraa
kaisa nashaa hotaa hai kisi ke pyaar mein

Mera jahaan tujhse hai

tujhse  hi hain  saansen  meri , tujhse  hi  har dhadkan hai
tujhse  hi   hai  zindagi  meri , tujhse   hi  har bandhan hai

tujhse hi har  khwaaish hai ,  tu hi  hai har khwaab meraa
tujhse hi  mohabbat mujhko , jeewan bhi tujhpe arpan hai

Tum laut aaye ho

meri  chaahaat ka shikaar hoke  tum  aaj  aaye  ho
fir  se padh  padh ke mere geet tum sharmaaye ho

chaahat  ko  mere  fir  se ek  naya naam mil gayaa
pooraa karne mere har ek khwaab ko tum aaye ho

ab  aaye ho  yahaan to fir jaane ki baat naa karnaa
reh  reh ke duur humse humein bahut tadpaaye ho

ye  achchi  nahi aadat tumhaari duur duur rehne ki
jhoomun,  naachun, yaa gaaun ki tum laut aaye ho

sukhe   phoolon  me  fir  se   mehek  laut   aayi  hai
wo  bhi  khush ye dekh jaanaa  ki tum laut aaye ho

ye  geeton  kaa  jaadu hai jo tumhe  khich layaa hai
aaj   fir  se  padh ke inhe tum fir se  muskuraaye ho

Teraa naam aataa hai

ab to   har  ek  naam   ke saath  teraa  hi  naam aataa hai
sitaaraon  pe  sawaar  hoke teraa har  paigaam  aataa hai

karti  hai  tu    mujhe  deewaanaa  apni nashili adaaon se
aur  mujhpe   har  baar  badtameezi kaa ilzaam aataa hai

tu  hi   bataa   kaise  rahe   hum   qaabu me tujhe dekh ke
tere  chehre  pe humein pyaar  subah   shaam  aataa  hai

hum  kar guzarte hain kuch   bhi  haddon  ko  paar  karke
aur har baar hamaare naam ke saath badnaam aataa hai

pilaa    de   apne  hothon  se kabhi tu prem kaa pyaalaaa
kyun   har  baar  haathon  me sirf beras sa jaam aata hai

mil   letaa  hoon  tujhse  to  din  meraa guzar jaaataa hai
naa   milun   tujhse  to  dil  me  toofaan saa aa jaataa hai

Kyun main jalnaa chaahun

firse  deewaano  ki  raah  pe    kyun   main  nikalnaa chaahun
badlaa  nahi  ab  tak  par  ab   kyun   main  badalnaa chaahun

mohabbat   ki   aag   me   aajkal   kyun  main jalnaa chaahun
mom    ke   putley   ki  tarhaa  kyun main pighalnaa chaahun

unse   milaa   hoon   jabse   haal    ye     hai    mere    dil  kaa
neendon   mein   bhi   chalke   unse   main   milnaa  chaahun

yun   to   mujhe    peene   ki  aadat  nahi   thi    mere   yaaron
ab   pee   ke   girnaa  to   kabhi   main  sambhalnaa  chaahun

chhoo   lun   main  chaand  ko  ,  taaron  ko main chhoo  lun
dekh   parindon  ko gagan me  ab  main uchhalnaa  chaahun

bheegi   barsaaton   me    kabhi   niklaa  nahi  thaa   aaj   tak
tez   aandhi   aur   toofaan  me   ab   main  nikalnaa chaahun

kuch   to   huwaa  hai  mujhe par  kyaa  bataao mere yaaron
yun  har  ek  baat pe aajkal kyun  main  machalnaa chaahun

ye   jaadu   hai   ishq   kaa ,  yaa  hai  sirf    paagalpan meraa
jalte angaaron pe nange paaon kyun main   chalnaa chaahun

Hum duur reh paate nahi

khaamoshi   ko   mere    tum    bahaana  naa   samajhnaa

dekh    tumhaari   surat   main    kuch   keh    paataa  nahi

tadaptaa    hoon  main   baahon   me   bharne   ko  tumhe

ek  pal  bhi  judaa  hoke   tumse   main   reh   paataa  nahi

zindagi   chhoti   hai  maanaa  ,   par   lamhen   kam  nahi

lamhon    ki    judaai    bhi    main    ab   seh   paataa  nahi

aanaa   to    hai    milne   tumse   har   raat   mujhe  magar

din   kaa  main  kyaa  karun  jab   main   mil   paataa  nahi

kehte  ho  mujhe besharam agar chhoo loon  main  tumhe

par   kya  karun tumhe  dekh  qaabu  me  reh  paataa nahi

kuch   baatein    aisi   hain   tumhaari   aankhon   se  kahi

un  ishaaron  ko  dekh  main  tumse duur  reh paataa nahi

aankhon  ke  nashe  ki   to   tum   mujhse   baat  naa karo

pilaate    ho  jaam  aisa  hum  sambhal  ke reh paate  nahi

kab roothe    hain hum tumse,  humein  badnaam naa karo

bewafaa    kaho humein tum, ye  dard hum seh paate nahi

meethi      kasak   jo  uth_ti  hai    is  'Hriday'    me   aaj  bhi

kyaa     kahen   hum   kisi   se  dil  ka  haal  keh  paate nahi