Gum liye baithaa hoon

ishq  naa  karungaa, yeh  kasam liye baithaa hoon

toote  huwe  dil kaa  main ghum liye baithaa hoon

bheegey  se  ehsaas  baras  naa  jaayein  kahin  aaj

aankhon  mein  fir  se shabnam  liye  baithaa hoon

kabhi  bas naam teraa is dil mein mere rehtaa thaa

yaadon  mein ab saare tere sitam liye baithaa hoon

kisine  kaha  hai  likhne  se  dard  halkaa hotaa  hai

tabhi  haathon  mein  aaj  kalam  liye  baithaa hoon

naa koi  maqsad  hai, naa  hi  koi  manzil  hai meri

bewajah  hi shaayad  yeh  janam liye baithaa hoon