Dheere dheere

asar teraa kuch chalaa hai dheere dheere

ki hum hone lage hain tere dheere dheere

dhadkano mein mere ab naam bas teraa hai 

dil bhi machalne lagaa hai dheere dheere

tadap kitni badhi hai ab naa poochho tum

ab jalne lage hain hum bhi dheere dheere

aisi chali hai hawaa mohabbat ki yahaan

mehekne lage hain hum bhi dheere dheere

ab saanson se pehle teraa naam aataa hai

lahu banke mujhme behti ho dheere dheere

kyaa ho tum yeh baat kyaa bataaun tumhe

jaan ban ke rehne lagi ho dheere dheere

ek pal tum se judaa main reh paataa nahi

mohabbat hone lagaa hai ab dheere dheere